Greinar

Articles of interest and news.

Óli A. Reinert á Geilini's picture

Nú stundar til veitsluna.

Nú stundar av álvara til veitsluna hjá Tøkum Lætt, nú felagið fyllir 25 ár.

Veitslan verður í sjónleikarahúsinum leygarkvøldið 24. novembur, og hon byrjar stundisliga klokkan 18.00.

Tey, ið hava teknað seg til veitsluna, mugu ti eisini møta stundisliga í góðari tíð.

Á skránni er borðhald við sangi, røðum og undirhaldi. Áftaná verður farið upp á gólv.

Tags: 
Óli A. Reinert á Geilini's picture

Barnadansurin í Tøkum Lætt byrjar nú aftur

Nú sleppa børnini aftur at dansa. Barnadansurin í Tøkum Lætt byrjar aftur nú sunnukvøldið 21. oktobur klokkan 18.00. Leggið merki til, at klokkutíðin er broytt. Í mun til í fjør er dansurin framskundaður ein hálvan tíma.

Øll eru vælkomin í dansin, ið varar umleið ein tíma. Tað verður dansað og kvøðið saman við børnunum. Eisini er ein lítil steðgur, har kanska ein søga verður lisin.

Tá barnadansurin er liðugur uml. klokkan 19.00 møtast tey vaksnu til dans.

Tags: 
Óli A. Reinert á Geilini's picture

Ålek í Álandi komandi summar

Til dansifeløgini
Álendingar bjóða til Ålek 2019, sum verður á Álandi 14. – 21. juli
Stevnan er skipað í tveimum pørtum:
Ungdomsläger 14. – 16. juli.
ÅLEK 16. – 21. juli.
Um nóg stórur áhugi er, verður skipað fyri felags túri til stevnuna.
Á stevnuni framføra vit dansispøl, sum vit venja frammanundan. Harumframt
verður farið uppá gólv, og tá verður eisini dansað saman við luttakarum úr
hinum londunum.
Tað verður avmarkað tal av luttakarum á stevnuni og hava vit fingið 25 pláss til

Tags: 
Óli A. Reinert á Geilini's picture

Dansur í Kvívík og aðalfundur í Tøkum Lætt

Leygarkvøldið 29. septembur verður dansur í Kvívík. Í tí sambandi koyrir bussur frá rennibreytini klokkan 21.30.

Sunnukvøldið 30. septembur verður aðalfundur í Tøkum Lætt. Fundurin verður í Skansastovu, og hann byrjar klokkan 20.00. Eftir aðalfundin verður farið upp á gólv eina løtu.

Tags: 
Óli A. Reinert á Geilini's picture

Veitsla í Kvívík

20. januar eru vit boðin til Kvívíkar í veitslu hjá Norðstreymoyar dansifelag.

Tey, sum ætla sær við í veitsluna, verða biðin um at flyta 150 kr. á kontu 9181  4482370 skjótast til ber og í seinasta lagi 14. januar.

Seinni fæst at vita nær bussurin koyrir norður til Kvívíkar.

Tags: 
Óli A. Reinert á Geilini's picture

Trettanda kvølds dansur í Sjónleikarahúsinum

Trettanda kvøld jóla - 6. januar 2018 - skipar Tøkum Lætt fyri dansi í Sjónleikarahúsinum. Hetta er afturvendandi tiltak, sum nú hevur verið í nógv ár. Tá leita fólk úr øllum landinum sær til Havnar at dansa, eins og kóparnir vóru vanir at gera trettandu nátt á helluni í Mikladali.

Dansurin byrjar klokkan 10 um kvøldið, og tá tað líður eitt sindur út á náttina, kunnu fólk faa ein drekkamunn við breyði og viðskera afturvið.

 

Tags: 

Barnadansiskrá 2017/2018

Tað sum er á skránni til barnadansin, er Sigmundarkvæði, 10 ørindi hvørja ferð.

Tags: 

Dansiveturin 2017/18

Nú byrjar dansiveturin aftur. Barnadansurin er nú komandi sunnukvøld hin 15. okt. kl.19,00 og tey vaksnu koma kl. 20.00.  Fyrsta dansikvøldið í vetur var í Frøðishøll í Kvívík 30. sept. og var tað eitt av teim bestu dansikvøldunum, eini 90 fólk vóru komin, og dansurin gekk av tí allarbesta. Aðalfundur var sunnukvøldið 8.okt.

Tags: 
Óli A. Reinert á Geilini's picture

Dansur í Kvívík

Nú byrjar dansiveturin aftur, og lagt verður fyri í Kvívík, har tað verður dansað leygarkvøldið 30. septembur og út á náttina.

Tað er Norðstreymoyar dansifelag, ið skipar fyri, og kostnaðurin er 100 kr.

Í hesum sambandi koyrir bussur frá rennibreytuni í Havn klokkan 21.30.

 

Hetta hevur verið eitt afturvendandi tiltak í fleiri ár, og er tað ein hugnaligur máti at byrja dansin aftur eftir summarsteðgin.

 

Tags: 

Fø. dansur fyri byrjarar í Skansastovu

Nú er Tøkum Lætt vorðið 23 ára gamalt. Vit hava dansað annað hvørt sunnukvøld, síðani tá. Tøkum Lætt hevur hildið allan almennan dans, so sum Annan Jóladag, Annan Páskadag, Ólavsvøkudans og  Trettanda kvølds dans, sum var leygarkvøldið í Sjónleikarahúsinum. Vit hitta ofta fólk, sum fegin vilja dansa meira regluliga, so nú er høvi hjá tykkum, at koma í Skansastovu 22.01.17, kl. 20. at dansa.Sjálvi seta tit skránna, um tit vilja, og velja sjálvi hvørji kvæði tit vilja kvøða.So, øll dansiglað, minnist til 22.01.17, kl.

Tags: 

Pages

Subscribe to RSS - Greinar